AuPairWorld - Gagnaflutningur í Drupal

AuPairWorld er vettvangur á netinu fyrir au pairs og fjölskyldur í leit að au pair. Vettvangurinn er starfræktur á heimsvísu og er sá stærsti sinnar tegundar í heimi. Kominn var tími á að uppfæra þá veftækni sem var notuð sem leiddi til þess að vefsíðan þeirra var endurbyggð í Drupal 9 og mikið af gögnum voru flutt yfir á nýju síðuna. AuPairWorld leitaði aðstoðar hjá 1xINTERNET við þetta flókna verkefni.

Hver eru AuPairWorld?

AuPairWorld er vettvangur þar sem au pairs og gistifjölskyldur geta átt samskipti. Fyrirtækið er starfrækt á heimsvísu og yfir 3 milljónir au pairs og fjölskyldna hafa skráð sig á síðuna frá stofnun hennar árið 1999. Það er mikil traffík á pörunarvefsíðu (e. matching website) Aupairworld og á henni eru þúsundir virkra notenda. 

Au pairs og gistifjölskyldur sem hafa áhuga geta skráð sig á síðuna, leitað að öðrum með því að nota sérhannað leitartól og fengið ábendingar um fólk eða fjölskyldur sem falla að leitarskilyrðunum. Einnig er boðið upp á svokallaða premium áskriftarleið sem gerir notendum kleift að hafa samband sín á milli í gegnum öruggt skilaboðakerfi.

Hvaða vandamáli stóðu þau frammi fyrir?

AuPairWorld vefsíðan hefur verið í stöðugri þróun síðan hún fór fyrst í loftið árið 1999 og er nú orðin risastór vettvangur með mörgþúsund notendur sem nota síðuna daglega og milljónir skráðra notenda. AuPairWorld þurfti að uppfæra vefsíðuna sína í nýjustu útgáfuna af Drupal til þess að geta nýtt alla þá möguleika sem nútímatækni hefur upp á að bjóða. Til þess að ýta undir frekari þróun og bæta virkni pörunarþjónustunnar þurftu þau einnig að að endurskoða gögn í bakendanum.

AuPairWorld áttu flókið verkefni fyrir höndum; að flytja mikið safn gagna frá Drupal 7 yfir í Drupal 9, auk þess að flytja efni frá öðrum stuðningskerfum. Þetta verkefni krafðist reyndra sérfræðinga svo AuPairWorld setti sig í samband við 1xINTERNET. Þar sem það er mikil umferð á síðunni var mjög mikilvægt að flutningurinn hefði ekki áhrif á þjónustuna á live síðunni og að viðkvæm notendagögn væru örugg.

Hvernig gátum við aðstoðað?

1xINTERNET útvegaði AuPairWorld lausn sem myndu aðstoða við að nútímavæða tæknistaflann. Við tókum við umsjón tæknilegra áskorana til að geta veitt AuPairWorld öfluga og háþróaða lausn sem skilar bættri virkni og skölunarhæfni fyrir frekari þróun.

Það var flókið verkefni að flytja gögnin úr gamla vefumhverfinu yfir í kerfi sem er byggt í Drupal 9. 1xINTERNET nýtti sér reynslu og sérþekkingu sína til að tryggja að flutningurinn gengi hratt og örugglega fyrir sig og hefði ekki áhrif á notendur eða þjónustu AuPairWorld. Passað var sérstaklega upp á notendagögn á meðan á flutningsferlinu stóð.

Þar sem 1xINTERNET hefur lengi verið í samstarfi við Acquia, gátum við boðið AuPairWorld hýsingu hjá Acquia sem felur í sér sólarhringsstuðning, öfluga leitarþjónustu og örugga gagnageymslu. Þetta var mikilvægt fyrir AuPairWorld þar sem þau hafa í vörslu sinni mikið af viðkvæmum gögnum um notendur.

Við nýttum einnig tækifærið til að betrumbæta kerfið fyrir notendur með því að bæta virkni við vettvanginn eins og “blikk virkni” þar sem notendur geta “blikkað” aðra og hafið samskipti sín á milli.