Innranet fyrir þitt fyrirtæki
Hverju þarft þú að koma áleiðis til starfsfólksins þíns? Hvað vilja þau vita? Hverju er það að miðla sín á milli? Öll fyrirtæki hafa mismunandi menningu og Innranetslausn gæti komið til móts við það. 1xINTERNET aðstoðar þig við að setja upp innranet sem er sniðið að ykkar þörfum.
Hvað gerir góður innrivefur fyrir þitt fyrirtæki?
Forrester Employee Experience (EX) Index sýnir að það starfsfólk sem er ánægt með samskiptaleiðir í starfi sínu og hefur aðgang að öllum viðeigandi viðfangsefnum er mun virkara í starfi. Þess vegna getur notkun innrivefs skipt sköpum í samstarfi innan fyrirtækja.
Þegar innrivefur er valinn skal gæta þess að efnið sé gert aðgengilegt starfsfólki í gegnum þær rásir sem því þykir ákjósanlegast; í gegnum vefinn, farsímann eða önnur viðeigandi fyrirtækjaforrit. Sérstillingarmöguleikar, sveigjanleg hönnun og viðmótsverkfæri eru einnig mjög nauðsynleg.
Notaðu Drupal til að innleiða félagslegt innranet á þínum vinnustað. Samskipti eru lykillinn að farsælu samstarfi. Við höfum ótakmarkaða möguleika þegar kemur að eiginleikum fyrir innranet.
Byggðu öflugan innrivef með 1xINTERNET
Við aðstoðum þig við að setja upp upplýsingaflæði innan fyrirtækisins með öflugri lausn. Við getum lagt þér lið við hugmyndavinnu og síðan innleiðingu innranetsins.
Vinsælir eiginleikar
Samskipti
- Erindi frá stjórnendum og starfsráði
- Mikilvægar nýjar greinar
- Stafrænar auglýsingatöflur
- Umbótatillögur starfsfólks
Aðgangur að upplýsingum
- Öflug leit with Elastic Search
- Aðgangur að skjölum, myndböndum og myndum
- Listi yfir tengiliðaupplýsingar starfsmanna
- Innbyggt aðgengi að viðskiptaupplýsingum eins og ársskýrslum og sölutölum
Félagslegir eiginleikar
- Like og athugasemdir
- Afmælistilkynningar
- Hrós milli starfsfólks
- Starfsfólki er skipt í flokka
Nýlegir Innrvefir
Jägermeister - kraftmikið innranet
Reykjavíkurborg - Innranet
1xINTERNET notar Drupal við þróun innranetslausna fyrir fyrirtæki
Frjálsi hugbúnaðurinn Drupal hefur fest sig í sessi sem frábær vettvangur fyrir þekkingarstjórnun og innri samskipti fyrirtækja. Drupal hefur því marga kosti þegar kemur að innranetslausnum.
Kostir þess að nota Drupal við gerð innrivefs
Engin leyfisgjöld
Drupal er frjáls hugbúnaður og þar af leiðandi notkun innranetslausnanna ókeypis.
Stöðug þróun
Drupal er í stöðugri þróun af virku samfélagi og hugbúnaðurinn er notaður um allan heim. Þú færð því alltaf aðgang að nýjust tækni.
Aðlögun sem hentar þér
Hægt er að aðlaga innranetslausnina að þörfum og uppsetningu hvers fyrirtækis.
Tímasparnaður
Það er auðvelt og fljótlegt að setja upp Drupal og innrivef sem uppfyllir þínar þarfir.
Aðlöguð að öllum tækjum
Innrivefslausnin okkar er aðlöguð fyrir öll tæki, þannig að starfsfólk getur nálgast upplýsingar í gegnum fartölvur, farsíma og tölvur hvenær sem er.
Eiginleikar innrivefs
Innrivefur okkar hefur mikið úrval eiginleika sem hægt er að velja úr. Sem dæmi má nefna tilkynningakerfi, markaðstorg, fundardagskrár, fréttastraum, skilaboðaspjall og skjalageymslu. Allt sérsniðið að þörfum fyrirtækisins, þú velur hvað hentar og nýtist þér.
Hvað segja viðskiptavinir okkar
"Okkur vantaði nýstárlega lausn til að auðvelda samvinnu og samskipti milli teyma okkar sem starfa víðs vegar um heiminn. Markmiðið var að gera samskipti hröð og gagnsærri. Við vildum nýta nýja eiginleika samfélagsmiðlanna okkar og geta upplýst samstarfsfólk okkar um allan heim. Innranetið okkar er margverðlaunað og uppfyllti allar þessar væntingar. Það er mjög gott að vinna með 1xINTERNET.“
Andrea Ostheer, framkvæmdastjóri fyrirtækjasamskipta hjá Mast-Jägermeister SE
Algengar spurningar varðandi 1x Innranetið
Innrivefur eflir teymis anda innan fyrirtækis. Það eykur framleiðni og hefur jákvæð áhrif á fyrirtækjamenninguna ef samskipti eru opin og skýr. Ennfremur getur innrivefur fyrirtækis stuðlað að liðsanda og skilvirkri þekkingarmiðlun. Með bættri samvinnu má draga úr kostnaði og fínstilla ferla.
Hagnýt og þægileg hönnun
Í dag notum við farsímana okkar fyrir allt mögulegt og því þarf að bjóða notendum móttækilega hönnun sem aðlagast mismunandi skjástærðum.
Dagatal
Dagatal getur verið gagnlegt til að birta frídaga og afmæli. Einnig fækkar það tölvupóstum sem sendir eru til starfsfólks varðandi þessi málefni.
Leit
Það getur verið þreytandi fyrir starfsfólk þegar það finnur ekki þær upplýsingar sem það leitar að. Af þessum sökum er mikilvægt að innleiða góða leit.
Tilkynningar
Halda skal starfsmönnum upplýstum um nýjar færslur eða efni í gegnum tölvupóst eða með tilkynningum á lesborði.
Deiling á efni
Í nútímalegum innrivefslaunsum geta starfsmenn, deilt, sérmerkt og svarað efni inná vefnum og valið að fylgja ákveðnum notendum. Hægt er að bjóða uppá skoðananakannanir og ýmislegt annað til að eiga samskipti við starfsfólk.
Gagnvirk starfsmannaskrá
Slík skrá auðveldar samvinnu milli samstarfsfólks og auðveldar tengingu við rétta fólkið.
Lesborð (e. dashboards)
Upplýstu teymið um mikilvæg málefni beint á heimasíðu innranetsins.
Drupal býður upp á margvíslega eiginleika sem þú getur notað til að stuðla að þekkingarmiðlun, félagslegu samstarfi og innri samskiptum starfsmanna. Mikilvægustu aðgerðir sem innra net ætti að innihalda er hægt að framkvæma með Drupal. Að auki er hægt að útfæra frekari eiginleika til að mæta þínum þörfum.
Spjallborð
Staður þar sem starfsfólk getur skipst á skoðunum en ákveðnir stjórnendur hafa umsjón með umræðunni. Drupal kjarninn býður upp á möguleikann fyrir spjallborð.
Notendavæn leit
Hægt er að útvíkka innbyggðu Drupal leitina, til dæmis með samþættingu "Apache Solr" til að veita fulla textaleit, síun, sjálfvirkri útfyllingu og margt fleira.
Wikis
Samvinna á vefnum er skipulögð með svokölluðum "Wikis" þannig að allt efni getur verið uppfært eða lagfært að hvaða notenda sem er.
Vörn með lykilorðum
Hægt er verja ákveðna hluta vefsins með lykilorðum og ákveða þannig hvað einstaklingar fái aðgang að ákveðnum upplýsingum.
Ein innskráning
Notendur innrivefs þurfa aðeins að skrá sig inn einu sinni til að fá aðgang að innrivefnum.
Helsti munurinn á samfélagslegu innraneti og "venjulegu" innraneti er að samfélagslegt innranet inniheldur öfluga þekkingarmiðlun og tól sem auðvelda samvinnu. Efni er ekki aðeins búið til miðlægt af stjórnanda, heldur geta notendur tekið virkan þátt í sköpun efnis, myndað tengsl sín á milli, skrifað bloggfærslur og skipst á upplýsingum í gegnum Wikis, á spjallborðum og í einkaspjalli.Samfélagslegur innrivefur stuðlar því bæði að upplýsingamiðlun sem og samskiptum, samvinnu og innri leit.
Drupal býður upp á tilbúnu dreifinguna Open Social og því er mjög auðvelt að setja upp samfélagslegt innranet með frjálsum hugbúnaði. Við hjá 1xINTERNET getum aðstoðað.
Reglugerðir og opinber skjöl
Setja skal upp svæði þar sem nýjustu útgáfur af öllum umsóknarformum, reglugerðum og opinberum skjölum fyrirtækis eru geymdar.
Fyrirtækjastefna og markmið
Möguleikinn á að vísa í stefnu fyrirtækisins hjálpar til við að upplýsa starfsmenn um heildarmyndina. Þannig vita þeir hvert fyrirtækið stefnir. Á stefnumótunarhluta innranetsins ættu einnig að koma fram upplýsingar um helstu verkefni og hvers kyns undiráætlanir, t.d. fyrir mismunandi atvinnugreinar.
Gildi og samfélagsleg ábyrgð (CSR)
Margar stofnanir hafa áhuga á að útskýra gildi sín fyrir starfsfólki og áherslu á stuðning við utanaðkomandi félagasamtök. Þessar upplýsingar geta stuðlað að því að menning verði til innan fyrirtækisins sem hvetur fólk til þátttöku og gefur starfsfólki tilgang.
Ásýnd fyrirtækis
Flest fyrirtæki vilja að öll samskipti samsvari vörumerki sínu í tónum og ásýnd. Innrivefur geymir upplýsingar um vörumerki og ásýnd fyrirtækisins. Þar ætti að vera hægt að nálgast stafrænar skrár eins og lógó, myndir, kynningarsniðmát o.s.frv.
Upplýsingar um vörur og þjónustu
Það er mjög mikilvægt að hægt sé að finna upplýsingar um mikilvægustu vörur og þjónustu fyrirtækis á innrivefnum. Þetta stuðlar einnig að vitund starfsfólk um það hvað fyrirtækið gerir út á við. Þegar öllu er á botninn hvolft stuðlar þetta að betri þjónustu við viðskiptavini.
Upplýsingar um staðsetningar
Flest fyrirtæki eru staðsett á fleiri stöðum en einum og því er mjög gagnlegt að upplýsingar um allar staðsetningar séu aðgengilegar á innrivefnum. Efnið ætti ekki aðeins að miða að því starfsfólki sem starfar á hverjum stað fyrir sig heldur einnig að þeim sem ferðast þangað. Dæmigert efni á innrivef varðandi staðsetningar:
- Hvernig á að komast þangað
- Kort og skipulag
- Aðstaða og öryggisupplýsingar
- Hótel og veitingastaðir í nágrenninu
- Upplýsingar eins og nýjasti matseðill mötuneytisins eða Wi-Fi lykilorð fyrir gesti
Svæði fyrir nýtt starfsfólk
Hér er átt við svæði þar sem hægt er að finna t.d. upplýsingar um fyrirtækið með skoðunarferð um helstu sviðin eins og skipulag og stefnumótun. Þarna ætti einnig að vera hægt að finna mikilvæg eyðublöð og gátlista. Hnökralaust ferli við upphaf starfsferils (e. onboarding process) er ekki aðeins skilvirkt heldur tryggir það einnig að hakað sé við öll þau atriði sem fara þarf yfir þegar nýr starfsmaður er ráðinn.
Mannauðsupplýsingar
Allt starfsfólk ætti að hafa aðgang að mannauðsupplýsingum á innrivefnum. Það ætti að geta skoðað upplýsingar um félagslegar bætur, bókað frídaga og einstaklingsþjálfun. Það getur sparað mannauðsstjórum heilmikla vinna að hafa þessar upplýsingar á einum stað þar sem starfsfólk getur sjálft fundið það sem það leitar að.
Leiðbeiningar um innranet
Ekki gleyma að setja inn leiðbeiningar um notkun vefsins. Þrátt fyrir að flestir nútíma innrivefir séu auðveldir í notkun og krefjist ekki þjálfunar í sjálfu sér, þá eru alltaf einhverjir notendur sem hafa minni tæknikunnáttu. Þetta gæti sérstaklega átt við um félagslega þætti innrivefsins, eins og að "skrifa athugasemdir" eða ganga í hópa, en það gæti verið nýtt fyrir suma starfsmenn. Algengar spurningar, notendaskjöl og kennslumyndbönd geta hjálpað notendum heilmikið.
