Unity Blog - Fjöltyngt blogg

Unity blog er vinsælt, gagnvirkt blogg sem heyrir undir Unity Technologies, framleiðendur Unity tölvuleikjahugbúnaðarins. Unity vildu samstilla alla veftengda tækni innan fyrirtækisins og var því kominn tími á að uppfæra bloggið. 1xINTERNET aðstoðaði Unity við að leggja grunninn að frekari vefþróun en markmið þeirra er að auka þjónustuframboð með tíð og tíma.

Hvað er Unity?

Unity Technologies er framleiðandi Unity tölvuleikjahugbúnaðarins og heldur einnig úti vinsælu, gagnvirku bloggkerfi - Unity blog. Bloggið inniheldur gríðarlegt magn efnis, yfir 4000 bloggfærslur og vefsíðan er heimsótt oft á dag. Kominn var tími á að uppfæra bæði útlitið og tæknina. Unity vildu endurbyggja bloggkerfið í Drupal til þess að tryggja að öll vandamál yrðu leyst og að það væri auðvelt að tækla aðrar hugsanlegar áskoranir seinna meir. Unity vildu einnig samstilla alla veftengda tækni innan fyrirtækisins og því var nauðsynlegt að uppfæra bloggið.

Hver var áskorunin?

1xINTERNET fékk það verkefni að innleiða hauslausa (e. headless) útgáfu af Unity blogginu þar sem bakendinn er byggður í Drupal en framendinn með React og Next.js. Áður var bloggið byggt í Wordpress þar sem skipulag gagna var ekki með besta móti. Þegar gagnaflutningur átti sér stað voru gögnin endurskipulögð sem einfaldaði birtingu efnis í hauslausu umhverfi.

Einnig var þörf á að auðvelda notendum að finna efni á síðunni, ýta undir þátttöku notenda og lengja viðverutíma þeirra á síðunni. Markmiðið var að byggja bloggkerfi með góða notendaupplifun með því að nota nýjustu tækni í ritsjóraupplifun fyrir teymið og þátttakendur bloggsins.

Hvernig gátum við hjálpað?

1xINTERNET vann hugmyndavinnu með Unity til þess að ákvarða hvernig markkerfið (e. target system) ætti að líta út og ákveðið var að nota hauslausan (e. decoupled) Drupal / Symfony bakenda með framenda sem væri byggður með React / Next.js. Gögn voru afhjúpuð með GraphQL til þess að geta seinna búið til dreifða GraphQL vefþjónustu (e. federated GraphQL API). Stílisering varð gerð með Tailwind CSS og íhlutir búnir til í Storybook.

Það var flókið verkefni að flytja svona stóra vefsíðu frá WordPress yfir í Drupal. Gögnin á síðunni voru óskipulögð í WordPress og þurfti að endurskipuleggja þau á mjög skýran hátt í Drupal. Fyrir áframhaldandi þróun bloggsins var skýr gagnastrúktur lykilatriði. Á gamla WordPress blogginu var takmarkaður tungumálastuðningur. Þetta var flutt yfir í hið öfluga, fjöltyngda Drupal kerfi sem býður upp á lausnir fyrir þýðingar yfir á mörg tungumál með mismunandi sjálfvirkum þýðingarþjónustum.

Unity bloggið er ein af mikilvægustu vefsíðum Unity. Þetta er vettvangur þar sem Unity samfélagið kemur saman, þarna er hægt að uppgötva nýja hluti, læra og vaxa. Það var nauðsynlegt að búa til vettvang með góðri notenda- og ritstjórnarupplifun en að þar væri einnig svigrúm til vaxtar. Unity valdi hauslausan Drupal í stað "venjulegs" því það var meira í takt við þeirra framtíðarplön. Hauslausa útfærslan er í eðli sínu "aftengd" sem þýðir að hún er sjálfstæðari og þar af leiðandi er auðvelt að "búa til einu sinni - birta alls staðar". Möguleikinn á því að endurnýta efni á milli kerfa gerir það að verkum að hægt er að auka umferðina þvert á allar vefsíður Unity.