3 tilnefningar til Splash Awards 2023
Splash Awards eru Óskarsverðlaun Drupal heimsins en þau eru ein af fáum verðlaunum sem veitt eru fyrir Drupal verkefni og eru þar af leiðandi afar eftirsótt.
Á hverju ári hljóta framúrskarandi Drupal verkefni viðurkenningar fyrir nýsköpun og stafræna þróun. Frá árinu 2017 hafa verðlaunin verið haldin fyrir þýskumælandi lönd og síðan þá höfum við fengið tækifæri til að sýna fram á okkar þekkingu og nýsköpun.
Okkar tilnefningar
Eftirfarandi verkefni frá okkur voru tilnefnd í ár:
AVL.com - leiðandi tæknifyrirtæki flytur sig yfir í Drupal
AVL - eitt af leiðandi tæknifyrirtækjum heims, með rúmlega 11.000 starfsmenn - tók ákvörðun um að færa sig yfir í Drupal. Afrakstur verkefnisins var hraður og notendavænn vettvangur sem nýtir alla þá styrkleika sem Drupal hefur sem vefumsjónarkerfi.
MAGGI.de - Drupal extension sem skapar ný markaðstækfæri
Maggi.de er framúrskarandi dæmi um stækkunarhæfni Drupal kerfisins, í þessu tilfelli úr einfaldri "uppskriftaleitarvél" í þjónustumiðaða matargátt. Þessu var náð með stöðugu viðhaldi, endurnýjun og þróun eiginleika.
UICC.org - fyrir alþjóðlegt krabbameinseftirlit
Elstu og stærstu krabbameinssamtök heims, UICC, opnuðu nýja og betrumbætta vefsíðu. Verkefnið sker sig úr hvað varðar sýnileika á vefnum, gagnaöryggi, aðgengi, notagildi og bakenda samþættingu
Þýsk-austurrísku Splash Awards verðlaunin
Splash Awards eru ekki aðeins viðurkenning fyrir framúrskarandi verkefni, heldur einnig tækifæri til að mynda tengsl, tala um nýjustu strauma í vefþróun og hönnun og fagna bestu lausnunum.
Og sigurvegarinn er…
Í ár verða Splash Awards afhent þann 10. nóvember í Mannheim, Þýskalandi. Líkt og áður erum við spennt að sýna afrakstur okkar vinnu og vonumst eftir góðum árangri í ár. Við óskum öllum tilnefndum til hamingju og hlökkum til að skiptast á hugmyndum við aðra Drupal sérfræðinga.